ممكن حد يقدر يخترق موبايلي بمكالمه

ممكن حد يقدر يخترق موبايلي بمكالمه

    ممكن حد يقدر يخترق موبايلي بمكالمه


     بس خلينا الاول وبدون تعقيد تقنى نعرف جملة "يرن عليك" دى، "يرن عليك" دا مصطلح فى الايام دى معناها نوعين:

    ١. انه يترن عليك عن طريق مكالمة تليفون عادية (بيرن عليك من خلال الاتصال العادى ودا معناه رقم بيتصل برقم والوسيط هو شركة شبكة الاتصال)

    ٢. انه يترن عليك عن طريق مكالمة (فيديو او صوت) عن طريق تطبيقات الدردشة المختلفة (واتس اب، تيليجرام، سيجنال، فيسبوك ماسينجر، الخ...)
    .
    فى النوع الاول انت محتاج تبقى على علم بثغرات موجودة فى بروتوكولات الاتصالات المستخدمه بواسطة "الوسيط" اللى هوا شركات الاتصالات نفسها ومحتاج تمرر crafted packet "او حزمة اتصالات محرفه انت كمهاجم المتحكم فيها" من الشركة دى لتليفون مستقبل المكالمة دا طبعا مع معرفتك هوا ايه التليفون اللى بيستخدمة مستقبل المكالمة بالظبط وايه نظام التشغيل اللى عليه وازاى نظام التشغيل دا بيتعامل مع المكالمة فور وصولها وثغرات تبقى فى الخدمات اللى شغاله على نظام التشغيل (دا لو كان تليفون بيستخدم نظام تشغيل) وانك تتخطى حمايات نظام التشغيل نفسها للوصول لموارد التليفون وليلة كبيرة!
    .
    فى النوع التانى اشبه بالنوع الاول، انت محتاج بردو تعرف فيه الهدف اللى عايز تخترقه بيستخدم smart phone نوعة ايه، ونظام التشغيل اللى عليه ايه، واصدار التطبيق المصاب اللى هترن عليه كام، ومحتاج ثغرة ميقلش تمنها عن مليون دولار او اكتر علشان تستغلها ومنها تكسر حماية نظام التشغيل sandbox escape وال memory randomization techniques وغيرها من حمايات تانية كتير وبردو ليلة كبيرة برضو!
    .
    فى كلا النوعين، الموضوع مش مستحيل بس "وارد" بس حدوثة عليك وانت شخص مش high profile او ذو قيمة كبيرة جدا لإختراقها وتضييع ثغرات Zero Day تمنها ممكن يوصل لملايين الدولارات (عشان خاطر حضرتك)دا شئ يخلي الموضوع مجرد هراء لان شئ زى دا مينفعش حد يستخدمة على masses او جمهور غفيرة من الناس لان محدش حابب يحرق مليون دولار فى وقت قياسى والثغرات اللى بيستهدف بيها هدف معين تتكشف بسرعة، الموضوع ممكن يحصل مش بس بمكالمة، لا ممكن ب SMS او MMS كمان وبدون ما تفتحهم واحيانا بدون ما تلاحظ ان تليفونك استلمها اى منهم.
    .
    وبما ان الموضوع المنتشر واللى الناس عمالة تشيرة وخلاص هو مجرد مكالمة تليفون عادية فخلينا نتجاهل النوع التانى واللى بسببه فعلا حصلت اختراقات قبل كدا بمجرد ما بيترن على الشخص الهدف من خلال مكالمة واتس اب  فى اختراقات شركة NSO Group لأشخاص كانت أهداف معينة قبل كدا، وزى ما قولت قبل كدا، لو الموضوع دخلت فيه "حكومات" وبتمويل وموارد "غير محدودة" كل شئ ممكن!
    .
    طبعا تبسيط المعلومة بيقتضى تجاهل اجزاء كتير تقنية مينفعش نتكلم عنها لان لو اتكلمنا عنها هيتحول المقال  اللى فيه كام سطر دا لكتاب وبالتالى محدش هيقراه.
    .
    .
    لازم كدا من فترة للتانية يطلع هاجس وحاجات ملهاش اى اساس من الصحة تفضل الناس تشيرة بدون اى وعى لمجرد خوفهم من شئ مش فاهمينه، ارجوكم تبطلوا مشاركة الهبل دا!
    .
    .
    .
    .


    الروابط
    اقرأ ايضا
    عوده الانونيموس من جديد
    اختراق اجهزه الايفون بصوره
    اختراق اجهزه الايفون برساله
    فن الهندسه الاجتماعيه
    فن الهندسه الاجتماعيه 2
    فن الهندسه الاجتماعيه3
    Mediafirevpn
    @مرسلة بواسطة
    كاتب ومحرر اخبار اعمل في موقع موقع سيكيورتي اي تي .

    إرسال تعليق