الرقم الغريب اللي بيتصل علي البنات ويسرق صورهم

الرقم الغريب اللي بيتصل علي البنات ويسرق صورهم

    حقيقه الايميلات اللي اتسرقت والصور اللي اترفعت وعلاقتها بالرقم دا


    في كلام منتشر دلوقتي عن اختراق الاكونتات و الاجهزة و للأسف فيه اخطاء كبيرة جدا في الكلام دا فهتكلم معكم شويه في المقال ده  عن ازاي اكونتات الناس بتتسرق علي الFacebook او الIcloud او الGmail او علي اي موقع تواصل مشهور عموماً عشان الناس تعرف تحمي نفسها بدون الدخول في تفاصيل تقنية

    اختراق الايكلود


    في البدايه كدا اوضحلك حاجه معينه

    ازاي بيتعمل هاك لاكونتك؟

    أولاً للعلم بس مفيش حد ساحر و لا معاه الريموت كنترول من mark zuckerberg الي يخليه يقدر يعمل hack لأي اكونت لأن لو حد معاه الطريقة دي اكيد كان هيخترق بيها رئيس جمهورية امريكا  كل الناس الي اتعملهم hack من الي انت تعرفهم كان السبب الرئيسي أخطائهم فبلاش ونبي نصدق العيال بتوع راقب حسابك و ان حد يقدر يعمله هاك عن طريق مكالمة تليفون دول

    how can i hacked facebook account



    الاكونتات مبتتسرقش غير بواحدة من الطرق دي:


    1 - عن طريق ان يتبعتلك حاجة اسمها phishing page او صفحة مزورة
    ودي اتكلمت عنهافمقال كامل هنا

    اضغط هنا 

     و دي بكل بساطة عبارة عن ان الhacker عامل موقع و ملبسه الماسك بتاع فايسبوك فيبقي عنده نفس شكل صفحة الدخول بتاعة فايسبوك بالضبط. مفيش اي خطر من المواقع دي غير لو اضحك عليك و كتبت الemail و الباسورد بتوعك فيهم. من الاخر انت الي هتبقي سلمت نفسك بنفسك يعني
    التصيد


    2 - ان الكمبيوتر او الموبايل بتاعك يبقي زومبي(عليه برنامج تجسس) اصلا من هاكر عن طريق trojan
    ودي كمان اتكلمنا عنها فمقال لوحدها

    اضغط هنا

    و صدقني لو دي الحالة هتبقي مشكلتك اكبر بكثير من اكونت الفاسبوك الي اتسرق لان ده معناه ان الهاكر بيتحكم في كاميرتك و ميكروفونك و ملفاتك و ليلة كبيرة اوي

    * البرامج الخبيثة دي ممكن تنزل علي موبايلك بطرق كثير زي انك تسيب موبايلك مع حد متعرفوش مثلا لكن الطريقة الاكثر تأثيرا و الي بتستهدف عدد كبير هي عن طريق برنامج نازل علي play store مثلا فكرته تشد الناس لكن هو في الحقيقة خبيث. دي الي هيا البرامج الي فكرة اعرف درجة حرارتك من بصمة صوباعك و اعرف الcrush بتكلم حد و لا لأ و الحاجات دي.

    * الفكرة هنا انك متنزلش غير برامج مضمونة من شركات مشهورة و انت عارفها كويس
    trojan

    3 - ان جهازك أيا كان نوعه يبقي عليه برنامج لذيذ اوي اسمه keylogger
    موجود في مقالتين

    الاول


    التاني


     و ده عبارة عن برنامج بيسجل كل حرف انت بتكتبه علي الkeyboard و يبعته للهاكر
    طبعا من الحروف الي انت بتكتبها دي الpassword بتاعتك و الemail.
    *متحاولش تدور علي برنامج اسمه keylogger نازل عندك لان لو حتي في هاكر فعلا منزله علي الجهاز بتاعك فانت مش هتلاقيه
    كاي لووجر

    4 - عن طريق حاجة اسمها man in the middle attack و دي الي هيا بإختصار تلميع اوكر بس للأجهزة. بكل بساطة اغلب الحاجات الي انت بتعملها علي النت اي حد معاك علي نفس الشبكة يقدر يشوفها طبعا من الحاجات دي بردو الemail و الpassword بتوعك


    * حابب اقول ان اغلب المواقع المشهورة حاليا بتعتبر متأمنة من الهجمة دي و معني الlock او كلمة secure الي بتظهرلك دي بيبقي معناها ان المحادثة مع الموقع متشفرة فحتي لو الhacker قدر يشوف تعاملك مع الموقع مش هيفهم حاجة و لا هيعرف الemail و الpassword لأنه هيبقي متشفر و هو مش هيعرف يفك التشفير

    * من هنا نتعلم انك متدخلش علي open wifi فاي حته لان ممكن يبقي الي قاعد جمبك في Starbucks ده هاكر و قاعد بيلم في معلوماتك بكل سهولة الي انت بتدخلها في مواقع مش مؤمنة.
    man in the middle attack

    5 - عن طريق الsocial engineering او الهندسة الاجتماعية الي هيا بالمصري نصب يعني.
    ودي ليها اربع مقالات جامدين هنا

    اضغط هنا 


     زي ان واحد يكلمك علي اساس انه حد من خدمة العملة و محتاج كلمة السر عشان يتأكد من هويتك او انه مثلا يسألك اسم كلبتك ايه في دردشة ممتعة في القهوة عشان ده أجابت سؤال الامان بتاعك.
    * تاني بوضح محدش يقدر يعملك هاك بمجرد ما ترد علي المكالمة لازم انت الي تقوله معلومة حساسة عنك او يأما تنزل برنامج هو يقولك عليه و يكون البرنامج ده خبيث
    الهندسه الاجتماعيه

    6 - ان حد يكون عامل هاك لموقع فايسبوك او android او ios مثلت ذات نفسهم او معاه فيهم ثغرات محدش لسه سمع عنها ( zeroday vulnerability ) و ده صدقني بيبقي شخص عبقري و غالبا مش هيستهدفك او حتي لو استهدفك مفيش حاجة في ايدك تقدر تمنعه بيها. الشخص ده الشركات المشهورة بتحاول تمنعه لو موجود  بأنها تكافؤ زي فايسبوك مثلا بيدي الي يعرف يعمل كده لو بلغهم ب20،000 دولار علي الاقل و فيسبوك حامية دهرك كويس فمتخفش. اما بالنسبة للandroid و الios فدول بيدفعوا مبالغ توصل لمليون جنيه
    zeroday

    7 - ان حد يسرق تليفونك او شريحتك او يقدر يستخدم رقمك بأي طريقة و من هنا ممكن يعمل forget password فيبتعتله رقم في رسالة علي رقمك اول ما يدخله يقدر يغير الpassword.
    * الحد ده ممكن يبقي صاحبك مثلا لو انت سبتله الموبايل و انت داخل الحمام مثلا
    * الحد ده ممكن يبقي موظف في خدمة العملاء بتاعة واحدة من شركات المحمول

    8 - عن طريق مصيبة كثير مننا عاملينها و هي ان اكونت الفايسبوك متسجل بemail مش فاكرينه او مش عارفين ندخل عليه. في مواقع كثير من المواقع بتاعت الemails لو الemail فضل مبيستخدمش لفترة بيتمسح و بكده ممكن اي حد يعمل email جديد بنفس اسم الemail القديم بتاعك الي انت مدخله في Facebook و بكده يعمل forget password و يفتح الemail و يغير الباسورد برده
    *لعلمك في ناس فاضيه بتقعد تعمل emails عشوائى بس عشان تسرق اكونتات كده من غير اي استهداف

    9 - كلنا تقريباً بنستخدم نفس الpasswords لكل اكونتاتنا عشان مننسهاش او نتلخبط ف لو الباسورد اتعرفت بيقدر يدخل علي كل حاجة مرة واحدة. الفكرة ان ساعات الباسورد ديه بتتعرف من غير ما انت شخصيا يتعملك hack. يعني مثلا موقع LinkedIn اتعمله هاك قبل كده و تم تسريب قاعدة البيانات بتاعته كلها  ببلاش لأي حد فلو حد عايز يعملك هاك ممكن يعرف الباسورد الي انت كنت مستخدمها في موقع LinkedIn و الي غالباً هتكون هي هي بتاعة الفاسبوك.


    طيب اي موضوع الرقم اللي بيهكر الناس ده
    حقيقي ممكن فعلا يكون فيه حاجه بالشكل ده "تقنيا موجود"
    وطبعا دا انا شرحته هنا

    اضغط هنا


    لكن الرقم دا سبام وحوار فاكس عشان يقدروا يغطوا عن المصيبه الكبيره
    وهيا ان صحاب الصور دي بنسبه كبيره جدا شاركت الصور دي عن رضا
    والله اعلم

    ربنا يديم علينا نعمه الستر يجماعه


    Mediafirevpn
    @مرسلة بواسطة
    كاتب ومحرر اخبار اعمل في موقع موقع سيكيورتي اي تي .

    إرسال تعليق