Freedom House وعلاقتها بمصر ؟

 Freedom House وعلاقتها بمصر ؟



    كنت من فترة قريبة بتفرج علي فيلم Snowden للمرة الـ 100 مليون و كل ما اتفرج علي الفيلم دة اقعد اعمل search اكتر في موضوع الـ Cyber Surveillance  او الـ Governmental Surveillance بشكل عام...امبارح لقيت حاجة من الحاجات الي لفتت نظري في الموضوع دة حاجة كنت اول مرة اخد بالي منها او اشوفها يمكن باقي الناس تعرفها و انا اخر من يعلم....الي هي Freedom House طب هحكيلك بقي الي طلع معايا و انا بـ Search بس توفيراً لأي جدال مفيش اي ارقام او اي Statistics هتتقال في المقال دي انا مسؤول عنها....مفيش حاجة من الي هتتقال انا جايبها من عندي. 
    إضافة شرح

    مين هما Freedom House دول بقي ؟ 


     Freedom House دي مؤسسة امريكية غير هادفة للربح بتهتم بحقوق الانسان و الديموقراطية و الحرية السياسية و كل الكلام الي من النوع دة الي ملناش دعوة بيه ف كلامنا عشان المقاله مش سياسيه.. 

    المهم Freedom House كانوا عاملين اتنين Statistics بخصوص كل دول العالم بتقيس فيهم نسبة و حجم الحريات الي بتتمتع بيها كل دولة و في الاخر بتديها Rank طب ايه هي الـ Ranks المتطبقة علي كل الدول...... فيه 3 Ranks متطبقين علي كل دول العالم...

    1- يا اما الدولة واخدة Rank الـ Free و دة معناها ان الدولة دي نسبة الحرية و الديموقراطية فيها نسبتها عالية جداً.
    2- يا اما الدولة واخدة Rank الـ Partial Free و دة معناه ان الدنيا عندهم نص نص يعني لا هما وحشين ولا هما حلوين
    3- اخر حاجة ان الدولة تبقي Not Free و دة معناه ان الناس متراقبة و ان مفيش حرية و لا ديموقراطية في الدولة دي (علي حسب كلام Freedom House) مش كلامي..


    قبل ما نتكلم علي Ranks الدول الي صدمتني تعالي اقولك Freedom House حسبت الـ Rank دة علي انهي اساس ؟ 
    في الـ Statistics الأولي حسبت الـ Rank بناءاً علي 9 معايير خلي بالك انا بتكلم هنا في جزء الـ Cyber Surveillance جزء الـ Cyber Security الي يهمني مليش دعوة ب اي ارقام او اي Statistics سياسية زي الانتخابات و التصويت و الكلام دة ..ايه هي الـ 9 معايير بقي الي اتبعتهم Freedom House عشان يوصلوا لـ Rank معين لكل دولة ؟ 


    1- اول حاجة قالك Social media or communications platforms blocked
    (حظر وسائل التواصل الاجتماعي أو منصات الاتصالات)
    يمعني حرية الناس علي مواقع التواصل الاجتماعي زي Facebook , Twitter و Whatsapp و كمان حريتهم في وسائل الاتصالات زي مكالمات التيليفون المحمول و التيليفون الارضي و الـ Internet Calls زي Whatsapp و Viber و Imo و كدة.




    2- تاني حاجة قالكPolitical, social, or religious content blocked
    بمعني حرية نشر المحتوي السياسي و الاجتماعي و الديني علي الانترنت 





    3- تالت حاجة قالك ICT networks deliberately disrupted
    بمعني ان هل بيحصل تعطيل لشبكات الاتصالات و تكنولوجيا المعلومات بالقصد ولا لا 



    4- رابع حاجة قالك Pro-government commentators manipulate online discussions
    بمعني  ان فيه حد بيراقب و بيعدل علي النقاشات الي بتتعمل Online ولا لا 



    5- خامس حاجة قالك New law or directive increasing censorship or punishment passed
    بمعني هل تم اصدار اي قانون جديد يدي الحكومة الحق في التجسس ع الشعب و عقابه نتيجة الحاجات الي اتجسسوا عليه بيها ولا لا 


    6- سادس حاجة قالك New law or directive increasing surveillance or restricting anonymity passed
    بمعني ان هل تم اصدار اي قانون يمنع الناس من اخفاء الهوية بتاعتهم علي الانترنت ولا لا


    7- سابع حاجة قالك Blogger or ICT user arrested, imprisoned, or in prolonged detention for political or social content
    بمعني هل بيتم القبض او حبس صاحب اي مدونة بتنشر محتوي سياسي او اجتماعي ولا لا


    8- تامن حاجة قالك Blogger or ICT user physically attacked or killed (including in custody)
    بمعني هل بيتم تعرض اصحاب المدونات للأذي او القتل بما فيهم الناس المحبوسين و المقبوض عليهم ولا لا.


    9- اخر حاجة قالكTechnical attacks against government critics or human rights organizations
    بمعني هل بيتم اختراق حسابات و اجهزة الاشخاص الي بينتقدوا الحكومة او اختراق مؤسسات حقوق الانسان. 

    لحد هنا الكلام جميل بس الي لفت نظري ان الـ Statistics دي معمولة علي حوالي 65 دولة بس.....الجميل بقي ان فيه 21 دولة من ال 65 واخدين Rank الـ Not Free مين هما الدول دي : 
    (أذربيجان - البحرين - بيلاروسيا - الصين - كوبا - مصر- اثيوبيا - ايران - كاذاخستان - ميانمار - روسيا - السعودية - السودان - سوريا - تايلاند - تركيا - الامارات - اوزبكستان - فنزويلا - فيتنام) 
    المفاجأة بقي ان من بين الـ 21 دولة الي Not Free فيه 3 دول بس هما الي مقفلين الـ 9 معايير كلهم بمعني ان هما الي عندهم الـ 9 كاملين فيه دول تانية عندها 6-7 او حتي 5 بس فيه 3 دول هما الي عندها الـ 9 كلهم الي هما ( الصين - روسيا - للأسف مصر


    دة يودينا للـ Statistics التاني الي اسمها Freedom on the Net او FOTN 
    اتكلموا فيها بالتفصيل بقي عن سبب Rank كل دولة....الي همني و الي شدني طبعاً الـ Rank بتاع مصر عايز اعرف هما حسبوه علي انهي اساس...تعالي اقولك بس خليني افكرك ان كل الي هيتقال دة كلام Freedom House مش كلامي عشان منروحش ف داهية كلنا : 

    1- اول حاجة قالك ان وزارة الداخلية في مصر سنة 2018 طرحت مناقصة لشراء انظمة مراقبة لمواقع و شبكات التواصل الاجتماعي و بالتالي تقدر تراقب كل الناس و كل انشطتهم 

    2- تاني حاجة قالك ان فيه كتير من الاشخاص تم القبض عليهم بسبب انشطتهم علي الانترنت

    3- قالك من ابريل 2019 لحد دلوقتي مصر فيها 34 ألف موقع الكتروني محجوب و فيه مواقع كتير مفيش لحجبها اي سبب مقنع منها موقع medium و غيرها كتير من المواقع.

    الي ضايقني في الموضوع و خلاني اشك ف شفافية الارقام دي ان اسرائيل مكانتش من ضمن الـ 65 دولة الي اتعمل عليهم الـ Statistics دي مع ان أمريكا موجودة و مطلعينها انها من الدول الـ Free كمان.....اياً كان صحة او عدم صحة الـ Data دي ف اتمني انها لو غلط يكون فيه اي حد من عندنا مسؤول انه يطلع و يفضح كدب الأرقام والـ Statistics دي....الموضوع دة كله في الاخر فكرني بحاجة قالها Snowden : 
    Ultimately, saying that you don't care about privacy because you have nothing to hide is no different from saying you don't care about freedom of speech because you have nothing to say. Or that you don't care about freedom of the press because you don't like to read.
    بمعني ان الناس الي مش بتهتم بالـ Privacy بتاعتها بحجة انها فاكرة انها معندهاش حاجة مهمة تخبيها عاملين زي الناس الي بتهتم بحرية التعبير عشان معندهاش حاجة تقولها و الي مش بتهتم بحرية الصحافة عشان مبتحبش تقرأ.


    و ربنا يديم علينا نعمة الستر...
    Mediafirevpn
    @مرسلة بواسطة
    كاتب ومحرر اخبار اعمل في موقع موقع سيكيورتي اي تي .

    إرسال تعليق