منظومه الانونيموس وعودتها من جديد

منظومه الانونيموس وعودتها من جديد

    اخبار الانونيموس الحصريه والجديده



    تطبيقاً لمقولة اغيب غيبتي و ارجع بهيبتي

    قررت الانونيموس تعمل احلي Come back في تاريخ الـ Cyber Security و ترجع تاني للساحة بعد ما كانت تقريباً كل نشاطاتها شبه متوقفة من سنة 2017 من ساعة اخر عملية مُعلنة ليهم الي كان اسمها Darknet Relaunch
     كانوا اخترقوا فيها شركة Freedom Hosting الي هي واحدة من اكبر الـ TOR Hosting Providers الي بتعمل Hosting بس للـ Onion Sites

     الاختراق ساعتها ضرب حوالي 10 ألاف سايت مرفوع علي شركة الـ Hosting وبالتحديد في يوم 3 فبراير 2017 بالظبط الساعة 5:50 المغرب اتفاجئ كل الناس الي داخلة المواقع دي برسالة من Anonymous بتقول :

    "Hello, Freedom Hosting II, you have been hacked."


    و كان غرض الانونيموس من الـعمليه دي انهم يمسحوا اكبر قدر من الـ المحتوى الإباحي للأطفال الي موجود علي المواقع الـ Hosted علي Freedom Hosting و الي كانت بتمثل نسبة 20% من مواقع الانترنت المظلم كلها و دي كانت نسبة مرعبة ساعتها في سنة 2017 طبعاً حجم الانترنت المظلم اتضاعف اضعاف الرقم دة من 2017 لحد دلوقتي....المهم ان الانونيموس بعد كدة اختفت في كل البلاد و مبقاش حد يسمع عنها و اتقبض علي ناس كتير منهم في بلاد كتير و الناس افتكرت ان خلاص اسطورة الانونيموس الي عاشت معانا من اول عمليه عملوها في 2006 خلاص انتهت و مش هنسمع عنها تاني.....

    و فجأة الانونيموس بعد اختفاء حوالي 3 سنين تعمل احلي Come Back و تفاجئ الناس كلها برجوعها.....بدأ رجوع اشهر Hacking Group في التاريخ بداية سنة 2020 بعملية تليق ب اسم الانونيموس كانت في شهر فبراير الي فات عمليه كان اسمها Pro-Taiwan Hacks


    ساعتها الانونيموس اخترقت موقع الأمم المتحدة الرسمي و عملت صفحة خاصة بدولة تايوان الي مكانش ليها كرسي في الامم المتحدة من سنة 1971 و رفعوا علي الـ Page دي علم الصين و علم تايوان و طبعاً اللوجو بتاع الانونيموس و حطوا لينك لفيديو من اليوتيوب كان محتواه النشيد الوطني الرسمي لدولة الصين و معاها لينك لأغنية It's Been a Long, Long Time الي كانت في اخر مشهد في فيلم Avengers Endgame لما كان كابتن امريكا بيرقص عليها مع حبيبته لما رجع بالزمن....حركة صايعة الصراحة...
    الـ Defacement فضل مستمر لـ 14 ساعة متواصلة مكانوش عارفين يشيلوه...و الغرض من العمليه دي ان Anonymous بتعلن رجوعها تاني و الحركة دي كان ليها بُعد سياسي
    ..و دي لينك الاختراق الي تم ساعتها و فيه صورة الـ Page الي رفعتها Anonymous :

    اضغط هنا 




    و يوم 28 مايو 2020  جماعة الانونيموس في الفليبين اخترقت اكونت تويتر بتاع شركة PLDT الي بتعتبر من اكبر الـ ISPs في الفيليبين اعتراضاً علي سوء خدمة الانترنت الي بتقدمها الشركة في الفيليبين و ساعتها الانونيموس غيروا اسم الأكونت و خلوه "PLDT Doesn't Care" و كتبت الانونيموس تويتة من الأكونت بعد اختراقه و اتهمت دولة الفيليبين بالتقصير خصوصاً في ظل ازمة كورونا المفروض الدولة تحسن خدمات الانترنت عشان الناس تقدر تتواصل مع اهلها و تعمل شغلها و هكذا...و كانت الـعمليه دي اسمها PLDTHacked و دة لينك بيشرح تفاصيل الـ Operation اكتر :

    اضغط هنا









    كل الي حصل دة بقي كوم و الي جاي دة كوم تاني.....


    في نفس اليوم الي هو الخميس 28 مايو 2020 رجعت الانونيموس بواحدة من اقوي الـ Cyber Attacks في السنة و كانت العمليه اسمها BlackLivesMatter Movement


    نظراً لأحداث الشغب الي بتحصل دلوقتي في امريكا بسبب مقتل المتظاهر جورج فلويد بالطريقة الي الناس شافتها الي فجر مظاهرات لسة شغالة لحد دلوقتي....قررت الانونيموس انها لازم يكون ليها بصمة في الي بيحصل....بدأت الانونيموس العمليه   بتاعتها يوم الخميس بنزول فيديو بيعلنوا فيه عن نفسهم و عن انهم هيحاسبوا ترامب و حكومته علي كل الي بيحصل دة و ختموا الفيديو برسالة تهديد واضحة لجهاز الشرطة في مدينة مينابوليس و قالوا :

    "will be exposing your many crimes to the world"

    يوم السبت الي هو 30 مايو 2020 راحت الانونيموس عاملة DDOS attack علي الموقع الرسمي لشرطة مينابوليس و دة الي أدي ان الموقع يقع طبعاً....الحركة دي كانت بداية العمليه , لسة الانونيموس بتسخن....الموقع لما رجع الناس افتكروا ان دة اخر الانونيموس و ان معندهمش حاجة تاني.....ساعتها راحت الانونيموس فاجأت الناس كلها باختراق شبكات الراديو و اللاسيلكي بتاعت شرطة ولاية شيكاغو و ذاعت فيه اغنية Fuck tha Police بتاعت فرقة N.W.A و ذاعوها علي كل الترددات الي بتستخدمها شرطة شيكاغو....و ظهرت رسايل تهديد الله اعلم بصحتها ان Anonymous معاها فضايح كتير علي ترامب هتنشرها في الوقت المناسب...
    هل هي دي نفس تسريبات ترامب بتاع REvil ?
     هل هي دي الـ Dirty Laundry الي قالوا عليه ؟
    هل anonymous هي الطرف الي REvil كانت تقصده لما قالت احنا بيعنا الداتا لطرف كان مهتم بيها ؟
    هل Anonymous هتتدخل في الانتخابات بتاعت أمريكا في شهر نوفمبر الجاي ؟
    كل دة الله اعلم بس الي مفرحني و كل الي انا مهتم بيه ان احنا هنرجع تاني نشوف شعار الانونيموس الاسطوري الي كلنا متعودين عليه :
    We are Anonymous. We are Legion. We do not forgive. We do not forget.....Expect Us 

    دي مصادرالعمليه بتاعت BlackLivesMatter Movement :

    https://time.com/5845880/anonymous-minneapolis-police-hack/

    https://bloomberg.com/news/articles/2020-05-31/anonymous-says-it-ll-expose-minneapolis-police-website-hacked

    https://news18.com/news/tech/anonymous-is-back-are-the-worlds-most-famous-hacktivists-still-equally-feared-2646191.html

    دة خبر اختراق شرطة شيكاغو من Anonymous :

    https://brobible.com/culture/article/anonymous-hacked-chicago-police-dept-scanners-radios-nwa/

    و دة فيديو اذاعة اغنية Fuck Tha Police بعد اختراق ترددات الراديو بتاعت شرطة شيكاغو :



    و ربنا يديم علينا نعمة الستر..
    Mediafirevpn
    @مرسلة بواسطة
    كاتب ومحرر اخبار اعمل في موقع موقع سيكيورتي اي تي .
    1. حمدلله علي السلامة الانونيموس

      ردحذف
    2. حمدلله علي السلامة الانونيموس

      ردحذف